CLARA, FAYNA, PAULA e NEREA, GAÑADORAS DE LINGUA RODADA, CON 'SAUDADE'

Elas, CLARA, FAYNA, PAULA e NEREA, e só ELAS, alumnas do recén nado bacharelato artístico, foron quen de ver unha de entre as moitas historias que encerran as nosas aldeas espidas.

   A súa curta Saudade, protagonizada polo avó de Clara, Ángel Outumuro, resultou ser a gañadora do I certame Lingua Rodada,

creado polo cineasta Rubén Riós en colaboración coa Secretaría Xeral de Política Lingüística.

PREME E SENTIRÁS 'SAUDADE'

Eran as finalistas desde marzo, xunto co IES Terra de Trasancos, de Narón e o IES A Cachada, de Boiro, e recibiron no IES unha mañá de formación a cargo de Rubén Riós e María Canosa (podes revisar este blog para seguires a súa historia). Foi a última xornada da vella normalidade, o 12 de marzo. Logo todo cambiou...

Mais as nosas catro heroínas VENCERON A DISTANCIA e DERROTARON a INSEGURIDADE, recibindo novamente formación, a distancia, a cargo de Rubén Riós (grazas, outra vez, Rubén 💓 )

REFORMULARON a súa historia, mellorárona e son as GAÑADORAS!!!!!

En palabras do xurado, Saudade toca con sensibilidade e unha gran dose de creatividade o drama da emigración, o desarraigamento, o retorno a unha Galicia despoboada, o amor saudoso polo que foi e xa non é. O protagonismo centrado nunha persoa da terceira idade permite visualizar este colectivo e empatizar con el, na procura da conexión interxeracional. A reflexión final, “Como soarán as campás do futuro?”, fainos cavilar no porvir do rural galego e no que podemos facer para mudar a situación actual.

 

 ACASO NON É UNHA PASADA??

PARABÉNS, SODES DINAMITEIRAS DE HONRA!!!!

💜💪👏😎

AQUÍ PODES VER A INFORMACIÓN COMPLETA E AS CURTAS FINALISTAS 

FINAL (PANDÉMICA) DE LINGUA RODADA

Moi boas! Os Dinamiteiro@s intentamos con todas as nosas forzas afacérmonos á nova normalidade... Mantemos a distancia de seguridade e vémonos e lémonos a través de pantallas con maior ou menor resolución...

O certame Lingua Rodada, convocado pola SXPL (Secretaría Xeral de Política Lingüística) e o cineasta Rubén Riós segue adiante, malia as dificultades da situación💪 e iso que significa?

Que velaquí temos as nosas catro finalistas, Clara, Fayna, Paula e Nerea, de 1º Bac C, mantendo videoconferencia con Rubén Riós, quen as guía neste último traxecto do camiño 😀

Clara, Rubén, Paula, Nerea e Fayna. Toman notas e pensan unha curta que chegue aos nosos corazóns

 Agora teñen que reformular o seu vídeo, Saudade. Contar unha historia en 4 minutos que nos atrape e ... 

o 10 de xuño darase a coñecer o traballo gañador (os outros finalistas son o IES de  Boiro e Narón, parabéns a eles, abofé).

Os Dinamiteiros dicimos que... 
           tanto ten quen gañe...o camiño e a aprendizaxe é o que nos importa!!!   


Clara, Fayna, Nerea, Paula, contades con todo o noso apoio. Ánimo! Sabemos que estades gozando desta oportunidade e nós sentimos ORGULLO DE VÓS!!!💗💜      

"GOMESENDE ESMORECIDO". VIDEORRELATO QUE CASE CHEGA Á FINAL DE LINGUA RODADA

@s dinamiteiros atacamos desde a casa💪, levando co mellor ánimo posible este confinamento e traémosvos un entretemento nestes días de incertidume...😷

Como sabedes, Saudade, o videorrelato que fixeron Clara, Paula, Fayna e Nerea, de 1º Bac C pasou á final de Lingua Rodada.


Pero o que fixeron as súas compañeiras e compañeiros Aldara, Vanesa, Iago e Pablo Antonio,  GOMESENDE ESMORECIDO, quedou, como nos dixeron os membros do xurado, ás portas de logralo.

Velaquí o tedes.... COIDÁDEVOS MOITO!!! 💓

Hai futuro no audiovisual galego !!! 💪😜

 e... por que non, DE RIBADAVIA, A CANS!!! 😎

'MASTER CLASS' DE CINE DE LINGUA RODADA

O CINEASTA RUBÉN RIÓS e a ESCRITORA MARÍA CANOSA impartíronlles unha clase maxistral de cine aos alumn@s de 1º de bacharelato artístico.

A razón? Que o vídeo Saudade que fixeron catro delas (Clara, Fayna, Paula e Nerea) pasou á final do certame.

O obxectivo? Orientalas na preparación do vídeo  que deben filmar para a gran final.

Rubén Riós (á dereita da imaxe) falou da parte audiovisual da creación cinematográfica. Vimos a súa curta Adeus Edrada? e Mamá Asunción, de Chano Piñeiro. Rubén analizounas co grupo

 

A escritora María Canosa deunos claves para integrar o texto escrito na linguaxe cinematográfica

 

Nerea, Fayna, Rubén Riós, María Canosa, Clara e Paula

O grupo rematou moi satisfeito a formación

 

Fluíu a comunicación e ferveron ideas!!!

E xa postos, de Ribadavia a Cans!!!

FINALISTAS DE 'LINGUARODADA'

LINGUA RODADA é un concurso de vídeo-relatos promovido pola Dirección Xeral de Política Lingüística dirixido ao alumnado de ESO e Bacharelato. 

Consiste en facer vídeos baseados en breves relatos de 1'30", nos que o tema sexa a nosa fala, a xente, os nosos costumes, lendas, patrimonio...

No IES O Ribeiro participamos con dous vídeos que filmaron alumnos de 1º Bac C; o primeiro, Gomesende esmorecido, que fixeron Aldara, Pablo Antonio, Vanesa e Iago,  e o segundo, Saudade, traballo de Clara, Fayna, Paula e Nerea.

En canto poidamos, poñerémolos no blog para que os vexades.

Os dous estaban ben chulos e o xurado seleccionou Saudade!!

Agora son finalistas, xunto con outros dous centros (de Boiro e Narón). O traballo gañador irá ao festival de cine de Cans.

Clara, Nerea, Paula e Fayna. Toda a nosa enerxía positiva. De Ribadavia a Cans!!!