Xuntamos os calendarios dos meses de Outubro (coa imaxe realizada por Sabela de Martín) e Novembro (coa imaxe realizada por Brais Domínguez).
Xuntamos tamén os ficheiros dos calendarios en pdf para que poidades utilizalos.
Saúdos dinamiteiros!
09/12/19
ENQUISA SOCIOLINGÜÍSTICA - ALUMNADO 1º ESO Curso 2019-20 - IES O RIBEIRO
Ao inicio do presente curso,
realizouse a enquisa sociolingüística ao alumnado do 1º ciclo da ESO. A
continuación expóñense as conclusións obtidas da análise dos datos recollidos,
así como unha serie de gráficos que mostran as principais características sociolingüísticas
do grupo.
Conclusións do estudo:
• A meirande parte
do alumnado do primeiro ciclo de ESO provén de Ribadavia e o seu concello.
• Case todos naceron en Galicia. Os que naceron fóra de España proceden
da emigración (Suíza e México) ou da inmigración (Portugal
ou Romanía ou China). Os que proceden doutras CCAA
tamén son fillos da emigración (P. Vasco, Madrid, Cataluña)
• Os avós manteñen un elevado grao de galeguización, que perde
na xeracións dos pais e baixa notabilísimamente nos nosos alumnos,
os fillos.
• O ambiente
doméstico ten unha relativa galeguización, pero esta pérdese nas
interrelacións cos compañeiros.
• A lingua de
contacto co profesorado e de traballo académico (apuntamentos e exames) depende
do código lingüístico que emprega o profesorado. RESULTA CRUCIAL
EMPREGARMOS O GALEGO CO ALUMNADO, polo efecto espello que poida
ter nel, como uso prestixiado do idioma e pola predisposición do
alumnado a cambiar de lingua cara ao galego.
