Chegou con forza, este mes noso de Febreiro, sempre un pouco
aloucado e con grandes contrastes térmicos que nos poñen un pouco a proba. Nel
albiscamos xa o Entroido, cara ao final, e ímonos preparando...
Como curiosidade importante, recalcar que este ano, como é un ano bisesto,
este febreiro ten 29 días, e lembrámosche que o día 29 se celebra o tan
necesario día mundial das enfermidades raras. Facemos noso o lema deste
importante día e lanzámolo con forza para telo sempre presente: “vacínate
contra a indiferenza!”.
Aínda que se escolleu simbolicamente este día
especialmente “raro” como referencia, loxicamente cando o ano non é bisesto, é
necesario dedicar outro día para concienciar sobre o tema, recaendo daquela no
28 de febreiro cando non hai 29. Mais información sobre este importante día premendo aquí.
Por outra banda, unha moi interesante cuestión sobre os anos bisestos é
saber cando acontecen. Sabes calcular cando un ano é bisesto? Poida que
non sexa tan evidente como a primeira vista poida parecer. Interesante cuestión
para cavilar e resolver en clase. Adiante, paga a pena aceptar o reto!
Xuntamos o calendario do mes, para que non se nos escape ningunha data,
coas fantásticas imaxes de recantos e pedras da vila, de Ángela
Canitrot e Jorge Durán. Desfrutádeo.
Saúdos dinamiteiros!
