Comezamos outro mes,o de febreiro,o máis curto do ano.A xornada preséntase gris,chuviosa,e as noticias, por desgraza,continúan sendo grises, por non dicir negras.Pero nós queremos que neste recantiño,non haxa nada de negrura,senón que se albisque un pouquiño de luz, e por iso imos seguir traballando.COMO APERITIVO, UN REPASIÑO A ALGÚNS DOS DÍAS INTERNACIONAIS QUE SE CELEBRAN ESTE MES.O MÁIS SONADO É,SEN DÚBIDA, O 14 DE FEBREIRO,SAN VALENTÍN.
Día dos Namorados, ou Día de San Valentín.
ÍNDICE DE TEMAS:
💕Por que se celebra o día de San Valentín?
💕O día de San Valentín en diferentes partes do mundo.
Cada 14 de febreiro, celébrase en moitas partes do mundo o Día dos Namorados ou Día de San Valentín, momento no que o amor toma protagonismo e sucédense esceas románticas por todos os rincóns do planeta. Os namorados fan regalos ás súas parellas, pídese matrimonio por todos os rincóns do planeta e as redes sociais énchense de frases de amor e tamén de memes sobre o día dos namorados, algúns deles moi imaxinativos e divertidos.
A pesares da fama comercial desta celebración, a orixe do Día dos Namorados, vén de moi antigo. Continúa a ler, e contarémosche a razón pola que se celebra o Día de San Valentín, en que data se celebra en distintas partes do mundo e os costumes asociados a este día tan relevante no calendario mundial.
POR QUE SE CELEBRA O DÍA DE SAN VALENTÍN?
Trátase dunha festividade relixiosa, ou máis ben podemos dicir que a igrexa se apropiou dela, xa que se coñece por lo nome dun santo. E non se trata dun santo calquera, senón dun que se rebelou ao poder no seu momento e sufriu as consecuencias por iso.
Resulta que, na Roma do século III, o emperador Claudio II decidiu prohibir os matrimonios dos xoves, considerando que os solteiros sen familia eran mellores soldados ao non ter vínculos sentimentais nin ataduras de parella. Tampouco hai que obviar o feito de que nesta época o cristianismo foi prohibido en Roma.
Un sacerdote chamado Valentín considerou que isto era un error e decidiu saltarse a orde e casar en segredo a todos os xoves namorados que así o quixeran. Ao enteirase o emperador deste acto de rebeldía sentenciou a morte do sacerdote Valentín un 14 de febreiro do ano 270
O DÍA DE SAN VALENTÍN EN DIFERENTES PARTES DO MUNDO.
O Día de San Valentín ten orixe europea e, en moitos países de Europa, coñécese como o Día Internacional dos Namorados, como ocorre en España, Francia ou Bélxica. Porén, non todos os países celebran San Valentín o mesmo día nin teñen os mesmos costumes. Falaremos dalgunhas curiosidades.
💞En moitas partes do mundo, como en Bolivia, ao Día dos Namorados, coñéceselle como Día do amor e da Amistade, e celébrase o 21 de setembro, coincidindo co primeiro día da primavera, cando as parellas se regalan flores e tarxetas. O 14 de febreiro, non é un día para festexar, xa que coincide coa invasión de Antofagasta que inición a Guerra do Pacífico.
💞En Centroamérica si se celebra o 14 de febreiro, pero coñécese como Día do amor e da amistade, ou Día do cariño, e está enfocado, máis ben á amistade.
💞En Xapón, o Día de San Valentín celébrase dende o ano 1958, impulsado por unha empresa de chocolates, e a tradición é que as mulleres regalen chocolate a todos os homes, incluíndo aos seus compañeiros de traballo, aínda que reservan o mellor chocolate para a súa parella. E un mes despois, en marzo, os homes devolven ás mulleres o detalle, no coñecido como Día Branco, regalándolles cousas de cor branca, como chocolate branco ou roupa interior desta cor.
