Día de Rosalía

Como sabedes, o pasado venres 23 de febreiro foi o Día de Rosalía. Este ano no IES O Ribeiro convocamos un concurso de poesía sobre a figura e a obra da nosa autora máis ilustre. Ademais disto, expuxemos todos os poemas na entrada e nos corredores do instituto. Aquí vos deixamos algunha fotografías e, dentro de nada, publicaremos os nomes das persoas gañadoras.

No Ribeiro tamén se fala!

Seguimos coa campaña Aquí tamén se fala galego e xa imos por case 100 carteis colocados por toda a comarca do Ribeiro. Ademais de subir todas as fotos ao Instagram, elaboramos unha exposición no centro con elas. Deixámosvos aquí máis fotografías e tamén as fotos da exposición no instituto. Grazas a todos os establecementos que están a colaborar e ao noso alumnado!

Lembrade seguirnos en Instagram: @edl_ies_oribeiro

Farmacia de Barbantes, Cenlle

Carnicería de Melón

Bar A Orens pola vella, Arnoia

Kaizen Karate Academy, Ribadavia

Bar Rogelio, Ribadavia

Restaurante Rebusca, Ribadavia

Restaurante Caracas, Ribadavia

Viños e tapas Jessye, Leiro

Casa do concello, Arnoia

Clínica veterinaria Ribeiro, Ribadavia

Ferretería Avenida, Ribadavia

Kebab Mitu, Ribadavia

 RadiOmix

A radio RadiOmix da Oficina Municipal de Información Xuvenil de Ribadavia convidou ás nosas compañeiras María Curros, Noemia Garrido e María Valcárcel a charlar sobre as actividades que leva a cabo o EDLG do noso centro. Concretamente, falaron do concurso de microrrelatos de terror polo Samaín. Ademais, aproveitaron tamén para conversar sobre o labor dos Equipos de Dinamización da Lingua Galega nos centros de ensino e sobre a situación do galego no instituto. Agradecemos a Manuel e a David o seu convite!

Deixamos aquí o enlace ao programa na plataforma Ivoox.

https://go.ivoox.com/rf/123788096

No Ribeiro tamén se fala galego!

Comezamos coa campaña de dinamización Aquí tamén se fala galego iniciada polo IES Rafael Dieste da Coruña para rachar cos prexuízos. Aquí podedes ver as primeiras fotos realizadas polo alumnado nos diferentes establecementos de toda a comarca. Iremos subindo máis ao noso blog e ao noso instagram. Síguenos! @edl_ies_oribeiro

Alimentación San Martiño, Castrelo de Miño

Droguería Miguélez, Ribadavia

Xulgado de 1ª instancia núm. 4, Ourense

Bar Industrial, Arnoia

Panadería Carmen, Avión

Bar A Manola, Arnoia

Restaurante A Parra, Francelos

Carnicería Mincho, Francelos

Mesón O mosteiro, San Clodio

Concurso de microrrelatos de terror

No último día de clase antes do Nadal, aproveitamos o festival para facer a entrega de premios do concurso de microrrelatos de terror. Ademais disto, entregáronse os premios do concurso de debuxos, houbo unha actuación do grupo de pandeiretas "Fuscalla" e unha estupenda representación do grupo de Artes Escénicas.

Os gañadores do concurso de microrrelatos foron: Marina Cabrera Vives, alumna de 6º de EP no CEIP Castrelo de Miño; Sara Asorey Díaz, alumna de 2º ESO; e David Cabral, alumno da ESA. Grazas á colaboración deste último, gravamos os microrrelatos gañadores en podcast coas voces do alumnado de Artes Escénicas. Aquí vos deixamos os audios para que poidades escoitalos.

25 N

Día para a eliminación da violencia cara á muller

O venres conmemorouse no noso centro o 25 de novembro, Día para a eliminación da violencia cara á muller. No salón de actos do IES O Ribeiro o alumando de Artes Escénicas de 1º de Bacharelato cantou e bailou acompañado do grupo de pandereteiros e pandereteiras Fuscalla do EDLG, formado por alumnado e profesorado do noso instituto.

A canción, creada polos alumnos e alumnas de Artes Escénicas, falaba de que o amor non é unha posesión e de que neste ano xa mataron a 52 mulleres. A canción fixérona para concienciar a pequenos e a adultos sobre a violencia de xénero.

Aquí vos queda un vídeo da actuación.

Izan Fernández Martínez, Aimar Pérez Viso, Xoel Rojo Domínguez e Álex Vázquez Rey (alumnos de 1º ESO A)

Magosto

O pasado luns 13 de novembro no IES O Ribeiro fixemos o noso magosto durante as clases da tarde. Puidemos desfrutar duns marabillosos xogos, mentres os profesores asaban as castañas. Zancos, bolos, xogo do pano, corda, tres en raia, tira e afrouxa, xogos de puntería e máis!

Primeiro había que facer as castañas. Os nenos e nenas que quedaron no comedor axudaron a picalas. Había que coller un coitelo e abrilas por un lado. Mentres, os profesores preparaban os xogos e empezaban a asar as castañas. Ao rematar o comedor, todos os demais nenos e nenas entraron no centro, incluídos os de FP do edificio Abrente, e alí comezou a celebración!

Todos e todas xogamos aos xogos tradicionais organizados polos alumnos e alumnas de 1º de Bacharelato xunto coa súa profesora de Educación Física. Cando as castañas xa estaban preparadas, o profesor de Relixión deunos uns cornetes e o profesor de Educación física foi repartindo para que empezaramos a comer. Tamén nos deron uns zumes e uns batidos de chocolate.

Por último, tivemos unha marabillosa actuación do grupo "Fuscalla", pandereteiros e pandereteiras do IES O Ribeiro. Todos os nenos e nenas se agruparon para velos.

Aquí vos deixamos unhas fotos do magosto. Esperamos que isto se volva repetir!

Sonia Fernández Louredo 1º ESO C

Daniel Martin Rúa 1º ESO C