LETRAS GALEGAS

 

 

 

Avanzamos pasesiño cara a unha nova normalidade, no mes das Letras Galegas. Se queres saber quen foron os escritores e escritoras festexadas desde 1963 ata hoxe, preme aquí👉 FIGURAS HOMENAXEADAS NAS LETRAS GALEGAS

Este ano correspóndelle a honra ao 👉 PROFESOR RICARDO CARVALHO CALERO, primeiro catedrático de lingua e literatura galega na Universidade de Compostela e ideólogo da liña reintegradora do galego e o portugués. Hai unha proposta para que a homenaxe se prorrogue durante o 21, a ver que decisión toma a RAG.

Nestas ligazóns tes información e actividades sobre C. Calero. 

ANÍMATE A XOGAR!!!

 

 

ENQUISA LETRAS GALEGAS. IES O RIBEIRO 💪 

 

 

PREGUNTOIRO MUSICAL. CEIP Frei Luís de Granada. Sarria

 

ESCAPE ROOM FACILIÑO. "O misterio da casa de Ricardo Carvalho Calero" 

 

ESCAPE ROOM. NIVEL MEDIO. Patricia Sánchez Lamas

TELEXORNAL Carballo Calero. CEIP Dos Dices, Rois 

IES Concepción Arenal Ferrol. TRES VIDEOPOEMAS 

XOGO RIDARDOS. Seminario Galán 

LIÑA DO TEMPO. CEIP A Ponte, Lugo 

IES ARZÚA 2. CARBALLO CALERO 

Os dinamiteiros animámoste a vivires en galego. 
Naturalmente!!💧

MAIO

Entramos no mes de maio, aínda confinad@s!!😷 Pero xa vai quedando menos. Podedes marcar, se premedes e descargades sobre nome do mes, a vosa volta, con moita precaución ao mundo exterior a partir do día dous.
Os dinamiteiros querémosvos felicitar,💝 porque @s alumn@s do Ribeiro estades sendo uns auténtic@s campioas e campións, traballando desde as casas💪 con moita madureza. 

Estamos orgullosos de vós!!👏👏👏

GRAZAS 😍

 As imaxes tan bonitas que ilustran o mes fixéronas Ángela Bruquet e Ana Sánchez 

                                              MAIO

ABRIL (PANDÉMICO)

Segue pasando o tempo, pero este curso xa non vai ser o mesmo. Estamos vivindo moitos cambios, forzados por unha causa maior, para coidarnos e protexernos, a nós e aos nosos maiores.   Seguro que aprendendo de nós e deles. 
Alguén comparou a pandemia do coronavirus coa propagación dun incendio forestal. Pois ben, doutra cousa no Ribeiro non saberemos, saberedes, pero de extinguir incendios...

Así que moito ánimo, afouteza, 💪e quedando na casa conseguiremos extinguir este virus💜👪😘

Esta evocativa imaxe de Martín Neira, 
Relanzo no Avia, 
ten que servirnos de estímulo. 
Ánimo, compañeiros!!  

ABRIL

"GOMESENDE ESMORECIDO". VIDEORRELATO QUE CASE CHEGA Á FINAL DE LINGUA RODADA

@s dinamiteiros atacamos desde a casa💪, levando co mellor ánimo posible este confinamento e traémosvos un entretemento nestes días de incertidume...😷

Como sabedes, Saudade, o videorrelato que fixeron Clara, Paula, Fayna e Nerea, de 1º Bac C pasou á final de Lingua Rodada.


Pero o que fixeron as súas compañeiras e compañeiros Aldara, Vanesa, Iago e Pablo Antonio,  GOMESENDE ESMORECIDO, quedou, como nos dixeron os membros do xurado, ás portas de logralo.

Velaquí o tedes.... COIDÁDEVOS MOITO!!! 💓

Hai futuro no audiovisual galego !!! 💪😜

 e... por que non, DE RIBADAVIA, A CANS!!! 😎

'MASTER CLASS' DE CINE DE LINGUA RODADA

O CINEASTA RUBÉN RIÓS e a ESCRITORA MARÍA CANOSA impartíronlles unha clase maxistral de cine aos alumn@s de 1º de bacharelato artístico.

A razón? Que o vídeo Saudade que fixeron catro delas (Clara, Fayna, Paula e Nerea) pasou á final do certame.

O obxectivo? Orientalas na preparación do vídeo  que deben filmar para a gran final.

Rubén Riós (á dereita da imaxe) falou da parte audiovisual da creación cinematográfica. Vimos a súa curta Adeus Edrada? e Mamá Asunción, de Chano Piñeiro. Rubén analizounas co grupo

 

A escritora María Canosa deunos claves para integrar o texto escrito na linguaxe cinematográfica

 

Nerea, Fayna, Rubén Riós, María Canosa, Clara e Paula

O grupo rematou moi satisfeito a formación

 

Fluíu a comunicación e ferveron ideas!!!

E xa postos, de Ribadavia a Cans!!!

FINALISTAS DE 'LINGUARODADA'

LINGUA RODADA é un concurso de vídeo-relatos promovido pola Dirección Xeral de Política Lingüística dirixido ao alumnado de ESO e Bacharelato. 

Consiste en facer vídeos baseados en breves relatos de 1'30", nos que o tema sexa a nosa fala, a xente, os nosos costumes, lendas, patrimonio...

No IES O Ribeiro participamos con dous vídeos que filmaron alumnos de 1º Bac C; o primeiro, Gomesende esmorecido, que fixeron Aldara, Pablo Antonio, Vanesa e Iago,  e o segundo, Saudade, traballo de Clara, Fayna, Paula e Nerea.

En canto poidamos, poñerémolos no blog para que os vexades.

Os dous estaban ben chulos e o xurado seleccionou Saudade!!

Agora son finalistas, xunto con outros dous centros (de Boiro e Narón). O traballo gañador irá ao festival de cine de Cans.

Clara, Nerea, Paula e Fayna. Toda a nosa enerxía positiva. De Ribadavia a Cans!!!

8 DE MARZO. PODEMOS FACELO!!!!

O curso vai pasando e sucédense as datas senlleiras que conmemorar. No departamento de debuxo mobilizáronnos, tanto ao alumnado coma o profesorado e persoal non docente, e convertéronnos en ROSIE, A REMACHADORA, protagonista da campaña da Westinhouse electric, que apelaba ás traballadoras desta fábrica norteamericana durante a segunda guerra mundial a manteren a moral durante a contenda.

Alumnado, profesorado, persoal non docente, tod@s podemos facelo!!

A paritr dos 80 o cartel foise convertedo en icona do feminismo

Seguro que algunhas destas Rosies che resultan coñecidas!😜


Mensaxe feminista positiva. Claro que no IES O RIBEIRO cremos no poder e valor da muller. PODEMOS FACELO!!!